Bapanyakit Hati

DI antara kakawalannya, Palui tamasuk urang nang paling nyaman hidup. Karna rumah kada manyiwa, baras, iwak, gula, uyah wan asam kada manukar, ditambah pulang bini langkar. Oleh karna itu banyak kakawalannya nang bahiri wan kahidupan Palui.

Aku ini dipandang haja sanang hidup, tapi hati rasa dikarukut bidawang saribu, ujar Palui.

Hau, kanapa maka kaya itu Lui? ujar Garbus.

Maklum haja hidupku ini sugih umpat mintuha, ujar Palui.

Biar umpat mintuha kada jadi sual, dibanding aku ini nang pas-pasan dicari sahari dimakan sahari, ujar Garbus.

Si Garbus masih untung kalu dicari dimakan sahari, tapi aku ini sampai tatumpang-tumpang hutang, ujar Tuhalus umpat jua menyurung pandir.

Bubuhan ikam jangan talalu mamuji, karna aku ini muha haja nang lihum tapi hati manangis, ujar Palui.

Jangan ditangisi Lui ai, mustinya disyukuri, ujar Tulamak

Aku ini kalihatannya haja sanang tapi sabujurnya aku garing, makanya aku bulang bulik ka duktur, ujar Palui.

Garing napa Lui Lui? ujar Garbus.

Samalam aku ka manteri kasihatan lalu disuruhnya ka puskesmas kalu parlu ka dukter spesialis, sahut Palui.

Ooooo.. ikam kana panyakit dalam pulang kah Lui? ujar Garbus.

Imbah kukisahakan wan manteri lalu dipadahakannya panyakitku adalah panyakit urang banyak yaitu panyakit hati. Tapi biarpun kana panyakit hati awakku kada kuning, ujar Palui.

Kalu kaya itu lakasi baubat sabalum talambat dan sabalum manjangkit wan kami, ujar Tulamak manyuruh.

Samalam jua aku sudah ka dukter dan sudah jua ka laboraturium, ujar Palui.

Kaya apa hasilnya Lui, apakah bujur ikam kana panyakit liver? ujar Garbus.

Malah duktur tatawa malihat hasil ronsenku, ujar Palui.

Kanapa ada nang anihkah Lui maka duktur tatawa? ujar Tulamak handak tahu.

Ronsenku baik banar, kadada garing sama sakali, kadada cacat hatiku. Lalu kukisahakan wan duktur bahwa bujur haja aku sakit hati, tapi kada karna kurang gula, ujar Palui.

Lalu sakit hati napa? ujar Garbus

Tarus tarang haja aku sakit hati karna sudah babarapa hari ini aku diancam handak disarak bini, ujar Palui pina sadih.

Kada usah sakit hati Lui ai. Biar disarak bini, ikam kada rugi jua karna dahulunya ikam pun bahuma hanya bamudal sabuting tajak tumpul jua, ujar Tulamak manasihati. (tam)

One thought on “Bapanyakit Hati

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s