Duit Balabihan

NASIB Palui dasar kada sing ubahan, kada suah pina tanyaman, babaya kawa hidup. Tapi inya tamasuk basyukur jua ada baisi kaahlian yaitu kaahlian saraba hakun, yaitu saraba hakun bagawi. Nang panting jadi duit ujarnya. Matan maujek, batukang, maambil upah bahuma, sampai babulik maujek pulang, tatap haja digawinya. Rancak jua pang inya tatiring ka atas malihat urang nang sugih, limbah itu manunduk pulang limbah kada rasa sanggup manuruti.

“Napa Lui pina taungut hari ini, pasti kada baduit,”  ujar Tulamak managur Palui nang taungut surangan diwarung acil Irus.

Maarai Janda

Ilustrasi Palui

 

PALUI wan kakawalannya sudah sama tuha-an, tapi liur kada kalah wan urang baumur salawian. Bila tatamu wan kakawalannya, panderannya kada lain pada kisah lagi anum, kisah bagandak, kisah bibiniannya kada habis-habisnya apalagi di kampungnya wayah ini ada dua talu ikung urang balu nang masih anum.

Rupanya bubuhannya itu kada tapi wani mamaraki bubuhan bibinian balu itu karna bubuhannya itu urang sugih-sugih. Jadi kakawalan Palui, Garbus, Tuhirang wan Tulamak paling-paling wani sahibar mamander haja.

Balalungkang

Ilustrasi Palui Balalungkang

PALUI tamasuk urang nang panggaringan. Kada cuma wayah sudah ganal ini haja, tapi wayah lagi halus pun macam-macam panyakit nang disandangnya. Tapi walaupun panggaringan inya kada biasa mangaluh atawa garasah-garusuh ma-arit kasakitan.

“Ikam ini Lui ai tamasuk manusia hadangan karna tahan ma-arit garing napa haja,” ujar Garbus.

“Ubatnya hanya samacam Bus ai, jangan bakalah dan dilawan wan hati,” ujar Palui.

“Malawan wan hati itulah aku nang kada tahan, kaya apa cuntuhnya Lui?” ujar Garbus.

Pangurus wan Bandahara

Pangurus wan Bandahara

PALUI sabagai katua RT, disuruh pambakal supaya baulah kalumpuk usaha padesaan, nang kainanya dijadiakan kuperasi dan dibari tugas mambantu bubuhan dolog gasan mambagiakan sembako. Makanya sudah dua hari ini Palui mambawai bubuhan warga barapat.

“Aku sapakat wan pambakal supaya jangan sampai tajadi panyaliwengan atawa panyalahgunaan,” ujar Garbus imbah mandangar panjalasan matan Palui.

sumur karuh

KADA karasan matan mangidam bigi salak samalam, parut bini Palui sudah parak bungkas alias mahadang harinya haja lagi.

“Napa ujar bidan Lui lalakiankah atawa babiniankah?” ujar Tuhirang batakun wayah takumpulan di rumah Palui.

“Kahandak tu babinian pang, nyaman manggaduh aku amun tuha kaena,” ujar Palui.

“Kanapa amun anak lalakian, kada manggaduhkah inya lawan kita mun tuha?” ujar Tulamak maanyaki.

“Lain jua mak ai, gaduhan anak babinian lawan lalakian,” ujar garbus manjawabakan.

Rahatan asik buhannya bapanderan, tumatan dalam bini Palui bakuciak.

“Uiii abahnya, capati pang kiyau bidan, rasanya handak banar dah!” ujar nang bini takuringis.